ख्रीष्टका १० आज्ञाहरू
ख्रीष्टको सातौं आज्ञा
प्रभु भोज
पछाडी हेर्नुहोस्
हामी कसरी एक अर्काको लागि प्रार्थना गर्न सक्छौं?
पवित्र आत्माले तपाईलाई के भन्दै हुनुहुन्छ? तपाईं कस्तो प्रतिक्रिया दिदै हुनुहुन्छ?
माथि हेर्नुहोस्
याद गर्नुहोस्: 1 कोरिन्थी 11:24-26 24 र त्यसको निम्ति धन्यवाद दिनुभयो। अनि उहाँले रोटी भाँच्नु भयो र भन्नुभयो, “यो मेरो शरीर हो, यो तिमीहरूकोलागि हो। यो मेरो समझना को निम्ति गर।” 25 उसरी नै उनीहरूले खाए पछि येशूले दाखरसको कचौरा लिनुभयो। येशूले भन्नुभयो, “यो दाखरस परमेश्वरबाट आफ्ना मानिसलाई नयाँ करार हो। यो नयाँ करार मेरो रगतसित शुरू हुँदछ। जहिले पनि तिमीहरू यो पिउँछौ मेरो सम्झनामा गर्ने गर।” 26 जब-जब तिमीहरू यो रोटी खाँदछौ र यो कचौराबाट पिउँदछौ उहाँ नआउन्जेल प्रभुको मृत्युको घोषणा गर्दछौ।
बताउन अभ्यास गर्नुहोस्: येशूको अन्तिम भोजको कथा: लूका 22:7-20 7 यो अखमीरी रोटी खाने दिन थियो। त्यो दिन यहूदीहरूले निस्तारको पाठाहरू बलिदान गरे। 8 येशूले पत्रुस र यूहन्नालाई भन्नुभयो, “जाऊ अनि हाम्रो लागि निस्तार खाना तयार पार।” 9 पत्रुस र यूहन्नाले येशूलाई सोधे, “तपाईं हामीले कहाँ खाना तयार पारेको रूचाउनु हुन्छ?” येशूले तिनीहरूलाई भने, 10 “सुन! जब तिमीहरू शहर जान्छौं, त्यहाँ तिमीहरूले एउटा मानिसलाई एक जार पानी ल्याँउदै गरेको भेट्नेछौ। त्यलाई पछ्याऊ। त्यो त्यहीं एउटा घरमा पस्नेछ। त्यसकै पछि तिमीहरू लाग। 11 त्यस घरका मालिकलाई भन, ‘हाम्रा गुरुज्यूले उहाँ र उहाँका चेलाहरू निस्तार भोज कहाँ बसेर खाने सोध्न पठाउनु भएकोछ।’ 12 त्यसपछि मालिकले आफ्नो घरको माथिल्लो तलाको ठूलो कोठा देखाउनेछ। यो कोठानै तिमीहरूको निम्ति तयार परिनेछ। निस्तारको भोज त्यहीं तयार गर।” 13 त्यसपछि पत्रुस र यूहन्ना त्यहाँदेखि निस्किए। येशूले भन्नुभएको प्रत्येक कुराहरू नै तिनीहरूले भेटे। अनि तिनीहरूले निस्तारको भोज पनि तयार पारे।
14 तिनीहरूको निस्तारको भोज गर्ने समय भएको थियो। येशू र प्रेरितहरू टेबलको वरिपरि बरिरहेका थिए 15 येशूले तिनीहरूलाई भन्नुभयो, “मेरो मृत्यु अघि तिमीहरूसँग बसेर निस्तारको भोजन गर्ने बढो इच्छा थियो। 16 किनभने जबसम्म परमेश्वरको राज्यमा यसको सही अर्थ पाईदैन म निस्तार भोजन गर्ने छैन।” 17 त्यसपछि उहाँले एक कचौरा दाखरस लिनु भयो। उहाँले परमेश्वरलाई यसको निम्ति धन्यावाद दिनुभयो। त्यसपछि उहँले भन्नुभयो, “यो कप लैजाऊ अनि यसैबाट सबैलाई बाँढ। 18 म तिमीहरूलाई भन्छु, म चाँहि परमेश्वरको राज्य नआए सम्म पिंउदिन।” 19 त्यसपछि येशूले केही रोटी लिनु भयो। उहाँले रोटीको लागि परमेश्वर धन्यवाद दिनुभयो अनि टुक्रा पार्नु भयो। उहाँले ति प्रेरितहरूलाई दिनु भयो अनि उहाँले भन्नुभयो, “यो मेरो शरीर हो जुन म तिमीहरूलाई दिंदैछु। मेरो सम्झनाको निम्ति यसो गर।” 20 त्यसरी नै, खाना खाई सके पछि, येशूले कचौरा उठाउनु भयो अनि भन्नुभयो, “यस कचौराको तात्पर्य परमेश्वर र उहाँको मानिसहरू माझको एउटा नयाँ करार हो। यो नयाँ करार मेरो रगतबाट शुरू हुन्छ जुन मैले तिमीहरूको लागि बगाएँ।”
थप अन्वेषण गर्नुहोस्:
प्रभु भोज के हो? यो एक शारीरिक अनुष्ठान हो जसले हामीलाई येशू हाम्रो लागि मर्नुभयो र अहिले हामीमा जीवित हुनुहुन्छ भन्ने आत्मिक सत्य बुझ्न मद्दत गर्दछ।
हामी किन प्रभु भोजमा भाग लिन्छौं? येशूको आराधना गर्न र उहाँले हाम्रो लागि के गर्नुभएको छ त्यसको लागि धन्यवाद दिन।
हामीले प्रभु भोज कसरी ग्रहण गर्छौं? रोटी भाँचेर त्यसमाथि यसो भन्दै, “येशूको शरीर तपाईंको लागि दिइएको हो।” र रस वा दाखमद्य बाँड्दै र यसो भन्दै, "येशूको रगत तपाईंको लागि बगाइएको थियो।"
प्रभु भोज कसले ग्रहण गर्नुपर्छ? येशूलाई आफ्नो मुक्तिदाता र प्रभुको रूपमा ग्रहण गर्ने कुनै पनि चेलाले ग्रहण गर्न सक्छ।
अगाडि हेर्नुहोस्
तपाईं यो हप्ता कोसँग प्रभु भोज गर्न सक्नुहुन्छ?
यस हप्ता तपाईं आफ्नो येशूको कथा कसलाई बाँड्न सक्नुहुन्छ?
पाँच जना येशूका चेलाहरु बनाउन प्रयास गर्नुहोस्, तिनीहरूलाई बप्तिस्मा दिनुहोस् र तिनीहरूलाई पाँच जना चेलाहरु बनाउन मद्दत गर्नुहोस्।
आयोग/प्रार्थना:यीलक्ष्यहरूपालनगर्नकोलागिपरमेश्वरसँगउहाँकोशक्तिमाग्नुहोस्।